ନାଲକୋର ଶ୍ରମିକ ମାରଣ ନୀତି ଯୋଗୁଁ କାର୍ଯ୍ୟରତ ଶ୍ରମିକଙ୍କ ମୃତ୍ୟୁ
ନାଲକୋର ଶ୍ରମିକ ମାରଣ ନୀତି ଯୋଗୁଁ କାର୍ଯ୍ୟରତ ଶ୍ରମିକଙ୍କ ମୃତ୍ୟୁ ହୋଇଥିବା ସୂଚନା ।
ଅନୁଗୋଳ, ବଅଁରପାଳ ( ୧୭.୧୧.୨୦୨୦ ):- ନାଲକୋ ଥାନା ନାଲକୋ ସ୍କେଲଟର ପ୍ଲାଣ୍ଟ ମଧ୍ୟରେ ଆଜି ସକାଳ ସମୟରେ ଜଣେ ଠିକା ଶ୍ରମିକ କାର୍ଯ୍ୟରତ ଥିବା ବେଳେ ସୁରକ୍ଷା ବ୍ୟବସ୍ଥା ଢିଲା କାରଣରୁ ମୃତ୍ୟୁ ବରଣ କରିଥିବା ସୂଚନା ମିଳୁଅଛି । ସ୍ମେଲଟର ପ୍ଲାଣ୍ଟ ମଧ୍ୟରେ ମା ମଙ୍ଗଳା ଠିକାସଂସ୍ଥା ଦ୍ୱାରା କାର୍ଯ୍ୟରତ ଶ୍ରମିକ ଅକ୍ଷୟ ଦେହୁରୀ ( ୪୭ ) ମୃତ୍ୟୁ ବରଣ କରିଛନ୍ତି । ଅକ୍ଷୟଙ୍କ ଘର ବଅଁରପାଳ ଥାନା ତୁଳସୀପାଳ ଗ୍ରାମରେ ବୋଲି ସୂଚନା ମିଳୁଅଛି । ବାରମ୍ବାର ନାଲକୋ କମ୍ପାନୀର ଖାମଖିଆଲି ଶ୍ରମିକ ମାରଣ ନୀତି ଯୋଗୁଁ ପୂର୍ବରୁ ମଧ୍ୟ ଅନେକ ଶ୍ରମିକ ମୃତ୍ୟୁ ବରଣ କରିଥିବା ସୂଚନା ରହିଅଛି । ଶ୍ରମିକ ସୁରକ୍ଷା ବ୍ୟବସ୍ଥା ପାଇଁ ବାରମ୍ବାର ବିଭିନ୍ନ ଶ୍ରମିକ ସଂଗଠନ ପକ୍ଷରୁ ଦାବି ହେଉଥିଲେ ମଧ୍ୟ ନାଲକୋ କମ୍ପାନୀ କର୍ଣ୍ଣପାତ କରୁ ନଥିବା ଅଭିଯୋଗ ହେଉଅଛି । ଶ୍ରମିକ ସୁରକ୍ଷା ପାଇଁ ସେଫ୍ଟି ବେଲ୍ଟ, ହେଲମେଣ୍ଟ, ସୁରକ୍ଷା ସାମଗ୍ରୀ ଯୋଗାଇବାରେ ଅବହେଳା କାରଣରୁ ଶ୍ରମିକ ଅକାଳରେ ମୃତ୍ୟୁ ବରଣ କରୁଥିବା ଅଭିଯୋଗ ହେଉଅଛି । ଆଗାମୀ ଦିନରେ ଏଭଳି ଅବହେଳା ଦେଖା ଦେଲେ ଶ୍ରମିକ ସଂଗଠନ ପକ୍ଷରୁ ନାଲକୋ କମ୍ପାନୀକୁ ସମ୍ପୂର୍ଣ୍ଣ ଅଚଳ କରିଦେବା ନେଇ ଚେତାବନୀ ଦେଇଥିବା ସୂଚନା । ବର୍ତ୍ତମାନ ପର୍ଯ୍ୟନ୍ତ ଉକ୍ତ ମୃତ୍ୟୁ ଶ୍ରମିକ ଙ୍କ ଶବକୁ ପ୍ଲାଣ୍ଟ ମଧ୍ୟରୁ ବାହାରକୁ ଅଣାଯାଇ ନଥିବା ବେଳେ ପ୍ଲାଣ୍ଟ ଗେଟ ସମ୍ମୁଖରେ ଅଞ୍ଚଳବାସୀ କ୍ଷତିପୂରଣ ପାଇଁ ଆନ୍ଦୋଳନ କରିବା ନେଇ ସୂଚନା ମିଳୁଅଛି|
ଅନୁଗୋଳ ରୁ ଶିବାଶିଷ ରାଉତ Cprime odisha
Comments
Post a Comment