ମୋ ସ୍କୁଲ ଅଭିଯାନକୁ ସଫଳତା
ମୋ ସ୍କୁଲ ଅଭିଯାନକୁ ସଫଳତା
ଖୋର୍ଦ୍ଧା ଜିଲ୍ଲାର ଏକ ପୁରାତନ ଶିକ୍ଷାନୁଷ୍ଠାନ ଭାବେ ପରିଚିତ ବାଲିଅନ୍ତା ବ୍ଲକ ଅନ୍ତର୍ଗତ ପ୍ରତାପ ଶାସନ ନୋଡାଲ ବାଳକ ବିଦ୍ୟାଳୟର ପୁରାତନ ଛାତ୍ର ସଂସଦ ପକ୍ଷରୁ ସୋମବାର ପ୍ରଧାନ ଶିକ୍ଷୟିତ୍ରୀ ପ୍ରତିଭା ମଞ୍ଜରୀ ପଟ୍ଟନାୟକଙ୍କୁ "ମୋ ସ୍କୁଲ ଅଭିଯାନ" ମାଧ୍ୟମରେ ଏକ ଲକ୍ଷ ଟଙ୍କାର ଅର୍ଥରାଶି ପ୍ରଦାନ କରାଯାଇଛି। ବିଦ୍ୟାଳୟର ଖେଳ ପଡ଼ିଆର ଉନ୍ନତି ନିମନ୍ତେ ଏହି ଅର୍ଥକୁ ବିନିଯୋଗ କରାଯିବାର ନିଷ୍ପତ୍ତି ନିଆଯାଇଛି ।
ଏହି କାର୍ଯ୍ୟକ୍ରମରେ ପୁରାତନ ଛାତ୍ର ସଂସଦର ଉପସଭାପତି ବେଣୁଧର ଭୋଇ, ସ୍ଥାନୀୟ ସରପଞ୍ଚ ଭାଗ୍ୟଧର ନନ୍ଦୀ, ସଂପାଦକ ସୁଜିତ ବେହେରା, ସଭ୍ୟ ପ୍ରଶାନ୍ତ କୁମାର ବାରିକ, ପୁରାତନ ଛାତ୍ର ସୂର୍ଯ୍ୟକାନ୍ତ ଭୋଳ ପ୍ରମୂଖ ଉପସ୍ଥିତ ଥିଲେ । ମୋ ସ୍କୁଲ ଅଭିଯାନରେ ଏହି ପ୍ରକାର ସହଯୋଗ ନିଶ୍ଚିତଭାବେ ଆଗାମୀ ଦିନରେ ଏହି ବିଦ୍ୟାଳୟକୁ ଏକ ନୂତନ ସ୍ତରକୁ ନେଇ ପାରିବ ବୋଲି ଆଶା ଓ ବିଶ୍ୱାସ ।
Comments
Post a Comment