ରାହୁଲ ଗାନ୍ଧୀ ପୁଣି ଦେଲେ ବିବାଦୀୟ ମନ୍ତବ୍ୟ

 

ରାହୁଲ ଗାନ୍ଧୀ ସୋମବାର ଦିନ କରୋନା ବିରୋଧୀ ଟୀକାକରଣ ଅଭିଯାନର ଅଭାବକୁ ନେଇ ଉଦବେଗ ପ୍ରକାଶ କରିଛନ୍ତି ଏବଂ ଟୀକାକରଣକୁ କେନ୍ଦ୍ର ସରକାର ଗୁରୁତ୍ୱ ଦେଉ ନାହାଁନ୍ତି ବୋଲି ଅଭିଯୋଗ କରିଛନ୍ତି। ପୂର୍ବରୁ ମଧ୍ୟ ରାହୁଲ ଗାନ୍ଧୀ ଏବଂ କଂଗ୍ରେସ ଦଳର ଅନ୍ୟ ନେତାମାନେ କରୋନା ସମୟର ବିଶୃଙ୍ଖଳା ପାଇଁ କେନ୍ଦ୍ର ସରକାରଙ୍କୁ କ୍ରମାଗତ ଭାବରେ ଆକ୍ରମଣ କରୁଛନ୍ତି। 

ନିକଟ ଅତୀତରେ ମଧ୍ୟ ସେ ଗଙ୍ଗାରେ ମୃତ ଦେହର ପ୍ରବାହ ବିଷୟରେ କହିଥିଲେ ଯେ ଏଥିପାଇଁ କେବଳ କେନ୍ଦ୍ର ସରକାର ଦାୟୀ ଏବଂ ଏହା ସାମୂହିକ ଦାୟିତ୍ଵ ନୁହେଁ। ତେବେ ସେ ସୋମବାର ଦିନ ଏକ ଟ୍ୱିଟ୍ କରି ଦୈନିକ ଟୀକାକରଣ ସଂଖ୍ୟା ହ୍ରାସ ହେବାର ଗ୍ରାଫ୍ ସେୟାର କରିଛନ୍ତି। ଏଥିରେ ସେ କହିଛନ୍ତି ଯେ ମହାମାରୀକୁ ନିୟନ୍ତ୍ରଣ କରିବା ପାଇଁ ଟୀକାକରଣ ହେଉଛି ଚାବି, କିନ୍ତୁ ଏଥିରୁ ଜଣାପଡୁଛି ଯେ ସରକାର ଏଥିପ୍ରତି ଦୃଷ୍ଟି ଦେଉ ନାହାଁନ୍ତି। ଅନ୍ୟପକ୍ଷରେ, କଂଗ୍ରେସର ବରିଷ୍ଠ ନେତା ପି ଚିଦାମ୍ବରମ୍ ୧୮ ରୁ ୪୪ ବର୍ଷ ବୟସର ଲୋକଙ୍କ ପାଇଁ ଟୀକାକରଣ ଦର୍ଶାଇ ଦିଲ୍ଲୀ ସମେତ କେତେକ ରାଜ୍ୟରେ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି। ସେ ଟ୍ୱିଟ୍ କରି କହିଛନ୍ତି ଯେ ଦିଲ୍ଲୀ ଏବଂ ତେଲେଙ୍ଗାନା ପରେ ମହାରାଷ୍ଟ୍ର ଟିକା ଅଭାବ ଦର୍ଶାଇ ୧୮ ରୁ ୪୪ ବର୍ଷ ବୟସ ଟୀକାକରଣ ସ୍ଥଗିତ ରଖିଛି। ଏହା ସତ୍ତ୍ୱେ କେନ୍ଦ୍ର ଗୃହମନ୍ତ୍ରୀ କିମ୍ବା ଗୃହ ମନ୍ତ୍ରଣାଳୟ ଟୀକା ଅଭାବକୁ ଅସ୍ୱୀକାର କରିଛନ୍ତି। ପୂର୍ବତନ ଗୃହମନ୍ତ୍ରୀ ଚିଦାମ୍ବରମ୍ କହିଛନ୍ତି ଯେ ରିପୋର୍ଟ ଅନୁଯାୟୀ, ଭାରତର ଅନେକ  ଜିଲ୍ଲାରେ କୌଣସି ଟୀକାକରଣ ହୋଇ ନ ଥିବା ଜଣାପଡିଛି, କିନ୍ତୁ ଜିଲ୍ଲାରେ ଟୀକାକରଣ ଚାଲିଛି ବୋଲି ସରକାରୀ ରିପୋର୍ଟ ରେ ଦର୍ଶାଯାଉଛି । ଯେଉଁମାନେ ଟୀକାକରଣ ପାଇଁ ଅପେକ୍ଷା କରିଛନ୍ତି ସେମାନେ କ୍ରମାଗତ ଭାବେ ସରକାରୀ ପ୍ରତ୍ୟାଖ୍ୟାନ ଏବଂ ଉଦାସୀନତାର ଶିକାର ହେଉଛନ୍ତି ।

ରିପୋର୍ଟ

ସି ପ୍ରାଇମ ବ୍ୟୁରୋ